प्रहरीलाई घुस दिने ४ जना चालक पक्राउ

काठमाडौं । मकवानपुर प्रहरीले घुस रकम दिने ४ जना चालकलाई पक्राउ गरेको छ । बुधबार हेटौंडा छिर्ने नाकाहरु पशुपतीनगर चेकपोस्ट तथा नेवारीपानी चेकपोस्टबाट ४ जनालाई पक्राउ गरेको हो ।

बागमती प्रदेश प्रहरी कार्यालय हेटौंडाले आर्थिक प्रलोभनमा पर्ने मकवानपुर र चितवनका चार जना प्रहरीलाई निलम्बन गरे संगै प्रहरीले घुस रकम बुझाउन आउने चालक पक्राउ गर्न थालेको छन् ।

पक्राउ पर्नेहरुमा ना ७ ख ६२२४ नंम्बर आईचर ट्रकको चालक पर्सा जिल्ला विरगंजका ३३ वर्षिय को नसुरदिन अन्सारी, ना ४ च ८३९४नम्बर को पिकअप गाडीको चालक बारा जितपुर सिमराका १ को गुलाम अन्सारी यस्तै ना ६ ख ५६३६ नम्बर को ट्रकको चालक सिमराकै ३४ वर्षिय लाल अन्सारी र ना ६ ख ९४७ नंम्बर को ट्रकको चालक सर्लाही बरहथवा ९ मुर्तिया बस्ने बर्ष २३ को अरूण महतो रहेको जिल्ला प्रहरी कार्यालय मकवानपुरले जनाएको छ ।