सुनको मूल्य बढ्यो, आज करोबार कतिमा?

काठमाडौँ । पछिल्ला दिनहरुमा सुनचाँदीको मूल्य लगातार बृद्धि भइरहेको छ । आज पनि प्रतितोला २ सय रुपियाँ बढेर कारोबार भइरहेको छ । चाँदीको मूल्य भने स्थिर रहेको छ । हिजो भने सुनचाँदी दुबैको मूल्य स्थिर रहेको थियो । आइतबार र सोमबार एकै मूल्यमा सुनचाँदी किनबेच भएको नेपाल सुनचाँदी व्यवसायी महासंघले जनाएको छ ।

आज छापावाल सुन प्रतितोला ९९ हजार ८ सय रुपियाँ, तेजावी सुन प्रतितोला ९९ हजार ३ सय ७५ रुपियाँ कारोबार भहिरहेको छ । भने चाँदी प्रतितोला एक हजार २ सय ३० रुपियाँमा कारोबार भइरहेको छ ।

आइतबार र सोमबार एकै मूल्य अर्थात छापावाल सुन प्रतितोला ९९ हजार ६ सय रुपियाँ, तेजावी सुन प्रतितोला ९९ हजार १ सय ६० रुपियाँ र चाँदी प्रतितोला एक हजार २ सय ३० रुपियाँमा किनबेच भएको थियो ।