अमेरिकी राष्ट्रपति ट्रम्पका भाइको निधन

काठमाडाैं । अमेरिकी राष्ट्रपति डोनाल्ड ट्रम्पका भाइ रोबर्ट ट्रम्पको शनिबार बेलुकी निधन भएको छ ।

राष्ट्रपति डोनाल्ड ट्रम्पले एक वक्तव्य जारी गर्दै भाइ रोबर्टको निधन भएकाे पुष्टि गरेका हुन् । उनका भाइ ७२ वर्षका थिए ।

न्यूयोर्क सिटीको अस्पतालमा उपचाररत भाइ भेट्न ट्रम्प अपरान्हमा पुगेका उनले भाइकाे अवस्था गम्भीर रहेकाे बताएका थिए । राष्ट्रपति ट्रम्पको रियल–स्टेड लगानीको व्यवस्थापन गर्दै आएका रोबर्टकाे के कारण, कुन राेग लागेर मृत्यु भएकाे भन्ने खुलाइएकाे छैन ।

ट्रम्पले भाइलाई सम्झँदै भनेका छन्- ‘रोबर्ट मेरो भाइ मात्र हाेइन मिल्ने साथी पनि थियाे ।’ उनी भाइकाे अन्तिम संस्कारमा सहभागी हुन सक्ने बताइएकाे छ ।