सुनचाँदीको मूल्य घट्यो, कारोबार कतिमा?

काठमाडौँ । आज सुनचाँदीको मूल्य घटेको छ । सुन प्रतितोला २ सय रुपियाँ र चाँदी प्रतितोला ३० रुपियाँ घटेको हो । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९८ हजार ४ सय रुपियाँ, तेजावी सुनको मूल्य प्रतितोला ९७ हजार ९ सय रुपियाँ र चाँदीको मूल्य प्रतितोला १ हजार ३ सय २५ रुपियाँमा निर्धारण गरिएको छ ।

गत साताको अन्तिम दिन शुक्रबार भने छापावाल सुन प्रतितोला ९८ हजार ६ सय रुपियाँ, तेजावी सुन प्रतितोला ९८ हजार १ सय रुपियाँ र चाँदी प्रतितोला १ हजार ३ सय ५५ रुपियाँमा कारोबार भएको थियो ।