निर्वाचन आयोगमा नयाँ नेकपा एमाले दल दर्ता

काठमाडौं । निर्वाचन आयोगमा नयाँ नेकपा एमाले दल दर्ता भएको छ । दुई महिना अगाडी आयोगमा दल दर्ताका लागि निवेदन परेकोमा आज दर्ता भएको निर्वाचन आयोगले जानकारी दिएको छ ।

नवगठित नेकपा एमालेको अध्यक्षमा सन्ध्या तिवारी र महासचिव मनिषकुमार उपाध्याय छन् ।

नयाँ दर्ता भएको एमालेको चुनाव चिन्ह भने उदाउँदो सूर्य रहेको आयोगले जानकारी दिएको छ ।

कानुनअनुसार सबै मापदण्ड पुगेकाले दल दर्ता गर्ने निर्णय लिइएको आयोगका एक सदस्यले बताएका छन् । यो दल एक सय ३२ औं पार्टी बनेको छ ।