रौतहटमा गोली हानी पुजारीको हत्या

काठमाडौं । रौतहटमा अज्ञात समूहले चलाएको गोली लागेर एकजना पुजारीको मृत्यु भएको छ । माधवनारायण नगरपालिका-२ स्थित हनुमान मन्दिरका पुजारी ६५ वर्षीय राम साहको गएराति करिब ९ बजेतिर हत्या भएको हो ।

ईलाका प्रहरी कार्यालय गरूडाका प्रमुख डिएसपी ज्ञानकुमार महतोले ६५ वर्षीय पुजारीको गोली प्रहारबाट मृत्यु भएको पुष्टि गरे । पुजारीले खाना खाइरहेका बेला अज्ञात समूहले कन्चटमा गोली हानी गरेको डिएसपी महतोले जानकारी दिए ।

उनका अनुसार हत्यापछि फरार रहेकाहरुको खोजी कार्य भईरहेको छ । घटनाबारे थप अनुसन्धान पनि भइरहेको छ । कोरोना संक्रमित भेटिएपछि मंगलबार मात्रै माधवनारायण नगरपालिका सिल गरिएको थियो ।