‘टिक टक’ ट्रम्पविरुद्ध अदालत पुग्यो

एजेन्सी । चिनियाँ भिडिओ एप ‘टिक टक’ले अमेरिकी राष्ट्रपति डोनाल्ड ट्रम्पको निर्णयविरुद्ध अदालतमा अपील गरेको छ ।

अमेरिकी राष्ट्रपति ट्रम्पले अमेरिकामा टिकटक प्रतिबन्ध गरेपछि कम्पनीले कानूनी उपचार खोजेको हो । राष्ट्रपतिको कार्यकारी आदेशविरुद्ध यसै साता न्यायिक सुनवाई शुरु हुने बताइएको छ ।

अमेरिकामा सेप्टेम्बर महिनाको मध्यदेखि टिकटकको संचालक कम्पनी ‘बाईट डान्स’ सँग कुनै कारोबार नगर्न ट्रम्पले आदेश जारी गरेका थिए ।

टिकटकले अमेरिकी नागरिकको गोप्य सूचनाहरु चिनियाँ सरकारलाई उपलब्ध गराउन सक्ने ट्रम्पको भनाई छ ।

तर टिकटकले भने ट्रम्पको आरोप अस्वीकार गरेको छ । अमेरिकामा टिकटकका ८ करोड सक्रिय प्रयोगकर्ताहरु रहेका छन् ।