महानगरीय प्रहरी वृत्त कीर्तिपुरको गाडी दुर्घटना, सात प्रहरी घाइते
मकालु खबर
- राेसन दानी
काठमाडाैं । महानगरीय प्रहरी वृत्त कीर्तिपुरको गाडी दुर्घटनामा परेको छ । डियुटी सिफ्टका लागि पाँगाबाट सुन्दरीघाटतर्फ जाँदै गरेको भ्यान कीर्तिपुर नगरपालिका-६ चोभारगेट नजिकै दुर्घटनामा परेको हो ।
वृत्तका प्रहरीका अनुसार बा १ झ ८०६४ नम्बरको भ्यानमा ११ जना सवार थिए । त्यसमध्ये सात जना घाइते भएको महानगरीय प्रहरी वृत्त कीर्तिपुरले जनाएको छ । ‘ड्युटीका लागि पिक एण्ड ड्रप्ट गर्ने गाडी ड्युटी सिफ्ट गर्न जान हिँडेका प्रहरीको गाडीको ब्रेक फेल भएर दुर्घटनामा परेको हो,’ महानगरीय प्रहरी बृत्त कीर्तिपुरका प्रहरी निरीक्षक सुशील केसीले बताए ।
दुर्घटनामा परि सात जना प्रहरी जवान घाइते भएका छन् । घाइते हुनेहरूमा प्रहरी जवानहरू भुपेन्द्र कुमार सिंङ, दिनेश चौधरी, कमल चौधरी धनबहादुर बोरा, राजकुमार शाहा, इन्द्रदेव जोशी अर्जुन सिंह भात रहेका छन् । घाइते मध्ये पाँचजना उपचार पछि डिस्चार्ज भएका छन् भने दुई जना अस्पतालमा रहेका छन् ।
उनीहरूको उपचारका लागि कीर्तिपुर अस्पतालमा पठाइएको छ । घाइते प्रहरीहरूको अवस्था सामान्य रहेकाे छ ।
मकालु खबर
