सुनको मूल्य आज पनि घट्यो, कारोबार कतिमा ?

काठमाडौँ । सुनको मूल्य लगातार ओरालो लागिरहेको छ । आज पनि सुनको मूल्यप्रतितोल ४ सय रुपैयाँले घटेको हो । साताको पहिलो दिन आइतबार प्रतितोला ४ सय रुपियाँ र दोश्रो दिन सोमबार प्रतितोला ५ सय रुपियाँ र हिजो मंगलबार प्रतितोला ७ सय घटेको सुनको मूल्य आज पुन प्रतितोला ४ सय रुपियाँ घटेको छ । चाँदीको मूल्य पनि आज प्रतितोला १० रुपियाँ घटेको छ ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९६ हजार ८ सय रुपियाँ, तेजाबी सुनको मूल्य प्रतितोला ९६ हजार ३ सय रुपियाँ र चाँदीको मूल्य प्रतितोला १३ सय १० रुपियाँ निर्धारण गरिएको छ ।

हिजो भने छापावाल सुन प्रतितोला ९७ हजार २ सय रुपियाँ, तेजाबी सुन प्रतितोला ९६ हजार ७ सय रुपियाँ र चाँदी प्रतितोला १३ सय २० रुपियाँमा किनबेच भएको थियो ।