पाल्पा पहिरो अपडेट : बेपत्ता पाँचै जनाको शव भेटियो

काठमाडौं । पाल्पाको रम्भा गाउँपालिकाको पहिरोमा परी बेपत्ता भएका ५ जनाकै शव भेटिएको छ ।

गाउँपालिकाको बेलौजामा गत बिहीबार बिहान पहिरोले घर पुरिँदा बेपत्ता भएका पाँच जनाको शव भेटिएको हो ।

गएराति थप दुई जनाको शव भेटिएको थियो भने शुक्रबार दिउँसो तीन जनाको शव भेटिएको थियो ।

जिल्ला प्रहरी कार्यालयका सूचना अधिकारी मदन गिरीका अनुसार गएराति घरमूली ६० वर्षीय हुमबहादुर गाहा र उनकी श्रीमती ५० वर्षीया हुमीसरा गाहाको शव भेटिएको छ ।

शुक्रबार दिउँसो कृष्णमाया गाहा, लक्ष्मी गाहा, र खुसीसारा आलेको शव भेटिएको थियो । लगातारको वर्षाका कारण खोजी कार्य हुन सकेको थिएन ।