थाइल्यान्डमा मन्दिर हिँडेकाे बस रेलसँग ठाेक्किँदा १७ जनाकाे मृत्यु

एजेन्सी । थाइल्यान्डको चाचोइङ्गसाओ प्रान्तमा बस र रेल ठोक्किँदा कम्तिमा १७ जनाको मृत्यु भएको छ भने २९ जना घाइते भएका छन् । उक्त घटना आइतबार घटेको हो ।

सो प्रान्तको एक मन्दिर जाँदै गरेको बस बिहान ८ बजेतिर रेलसँग ठोक्किँदा कम्तिमा १७ जनाको मृत्यु भएको अन्तर्राष्ट्रिय सञ्चार माध्यमहरुले जनाएका छन् । मृत्यु हुनेको र घाइतेको संख्या बढ्न सक्ने अनुमान गरिएको छ।

दुर्घटनामा परेकाे उक्त बसमा बसमा ६५ जना यात्रु थिए । झरी परिरहेको कारण चालकले रेललाई नदेखेकाले दुर्घटना भएको हुन सक्ने अनुमान गरिएकाे छ ।