डोनाल्ड ट्रम्पले भने–‘सन् २०२४ को राष्ट्रपतिको चुनावमा पनि मै उठ्छु’

एजेन्सी । अमेरिकाका राष्ट्रपति डोनाल्ड ट्रम्पले आगामी सन् २०२४ मा हुने राष्ट्रपतीय चुनावमा पनि आफू नै उठ्ने बताएका छन् । सन् २०२० मा सम्पन्न राष्ट्रपतीय चुनावमा आफू पराजित भएपछि ट्रम्पले यस्तो बताएका हुन् । भर्खरै सम्पन्न चुनावमा डेमोक्रेटिक पार्टीका जो बाइडेन विजयी भइसकेका छन् । उनको आधिकारिक घोषणा हुने भने बाँकी नै छ ।

तर, यता ट्रम्ले आफ्नो हार स्वीकारिसकेका छैनन् । चुनावमा धाँधली भएको जिकिर गर्दै आएका उनले कानूनी लडाइँ लड्नसमेत पछि नहट्ने बताउँदै आएका छन् ।

तर, ट्रम्पको सन् २०२४मा पनि आफैँ नै उम्मेदवार भएर उठ्ने कुराले भने उनले हार स्वीकारेका हुन् कि भन्ने जिज्ञासा उठ्न थालेको छ । एक्सिस र वासिङ्टन पोस्ट्ले प्रकाशन गरेको रिपोर्टअनुसार ट्रम्पले यस्तो प्रतिक्रिया दिएका हुन् । रिपोर्टमा भनिएको छ–‘ट्रम्पले आफ्ना निकट व्यक्तिहरूसँग सन् २०२४ मा राष्ट्रपति चुनावमा पनि आफू नै उठ्ने बताइसकेका छन् ।’

बाइडेनले आगामी २० जनअरीबाट आफ्नो पदभार सम्हाल्दैछन् ।