सञ्चारकर्मी सुप्रिया सम्मानित

भरतराज शर्मा(गोपाल), धरान सुनसरी । इटहरीमा आफ्नो कर्मथलो बनाएर विगत लामो समयदेखि एरिना टेलिभिजनमा काम गर्दै आएकी सञ्चारकर्मी सुप्रिया राई सम्मानित भएकी छिन् ।

आत्मनिर्भरताको लागि काम गर्दै आएको स्थानीय महिलाहरुको समूह ‘सहयोगी समूह’ले उनलाई सम्मान गरेका हुन् ।
संस्थाले सञ्चारकर्मी राईलाई इन्टरनेसनल यौन श्रमिक दिवसको अवसर पारेर आयोजना गरेको अन्तर्क्रिया तथा नाचगान कार्यक्रममा सम्मान गरेको हो ।

कार्यक्रममा अधिवक्ता मौसम राईलगायत विभिन्न स्थानहरुबाट आएका लक्षित वर्गका दिदिबहिनीहरुको सहभागिता रहेको थियो । सो कार्यक्रममा लक्षित वर्गका दिदिबहिनीहरुले आफूले यौन पेसा स्वेच्छाले रोजेको साथै यो पेसाभित्र हुने विभिन्न समस्याको बारेमा आ–आफ्नो अनुभव राखेका सुनाएका थिए ।

त्यसैगरी, कार्यक्रममा बोल्दै संस्थाकी कार्यकारी निर्देशक विमला मल्लले आफनो स्वास्थको ध्यान कसरी राख्ने विभिन्न जोखिमबाट कसरी बच्ने, बेचबिखन भनेको के हो लगायतका विषयमा जानकारी गराएका थिए ।