निर्वाचन आयोग पुगेका प्रचण्डले भने- ‘नाम र चुनाव चिन्ह हामीले पाउनुपर्छ’

काठमाडाैं । शुक्रबार निर्वाचन आयोग पुगेका सत्तारूढ नेकपाका अध्यक्ष पुष्पकमल दाहाल प्रचण्डले नेकपाकाे नाम र चुनाव चिन्ह आफ्नाे पक्षले पाउनुपर्ने माग गरेका छन् ।

आफूहरु वैधानिक भएको भन्दै निर्वाचन आयोगले आधिकारिता, चुनाव चिन्ह र नामावाली आफूहरुलाई प्रदान गर्नुपर्ने उनकाे भनाइ छ । उनले भने, ‘निर्वाचन आयोगले आधिकारिता, चुनावचिन्ह र नामावालीमा हामीलाई प्रदान गर्नेछ भन्ने हामीले विश्वास लिएका छाैँ । आधिकारिकताको योभन्दा अरु ठूलो प्रमाण केही हुन सक्दैन ।’

अहिले नेपाल-दाहाल पक्षकाे केन्द्रीय समिति बैठकमा २९६ जनाले हस्ताक्षर गरिसकेका छन् । साे समूहले प्रधानमन्त्री केपी शर्मा ओलीको समूह एउटा सानाे गुट मात्रै भएकाे, आफ्नाे समूहमा बहुमत रहेकाे भन्दै आफ्नाे समूह नै आधिकारिक नेकपा रहेकाे दाबी गर्दै आइरहेकाे छ । ओली समूहकाे पनि यही बाेली छ ।