बजाज डोमिनार २५० खरिद गर्नेले पाए गिफ्ट ह्याम्पर

काठमाडौं । हन्सराज हुलासचन्द एण्ड कम्पनी प्रा. लि., बजाज मोटरसाइकलको आधिकारिक बिक्रेताले एक समाराेहका बिच नयाँ बजाज डोमिनार २५० खरिद गर्नेहरूलाई साँचाे हस्तान्तरण गरेकाे छ ।

गएकाे शुक्रबार ज्ञानेश्वरको एटिक रेष्टुरेन्ट भएको उक्त समारोहमा गोल्छा गु्रपका निर्देशक अभिमन्यु गोल्छाले बजाज डोमिनार २५० खरिद गर्नेहरुलाई साँचो, राइडिङ ब्याग र हेल्मेट रहेको गिफ्ट ह्याम्पर हस्तान्तरण गरेका हुन् ।

साथै उक्त समारोहमा नै डोमिनार डेस्टिनेशनको पनि जानकारी दिइएकाे थियाे । डोमिनार डेस्टिनेशनको पहिलो इभेन्टमा सहभागी हुनका लागि बजाज डोमिनार २५० खरिद गर्न ईच्छुकहरुले अनलाइन फर्म भरि टेकुको बजाज शोरुममा बुझाउनु पर्नेछ । लक्की ड्रबाट छानिएका ग्राहकहरुले यही माघ १० गते हुने डोमिनार डेस्टिनेशनको पहिलो इभेन्टमा सुकुटेसम्मको रोमाञ्चक फ्रि राइडमा सहभागी हुने मौका प्राप्त गर्नेछन् ।