कोरोनाबाट थप ४ जनाको मृत्यु, ३३६ जनामा संक्रमण

काठमाडौं । नेपालमा कोरोना भाइरस (कोभिड १९) संक्रमितको कुल संख्या २ लाख ६८ हजार ६४६ पुगेको छ । बिहीबार थप ३३६ जनामा संक्रमण पुष्टि भएसँगै संक्रमित संख्या त्यति पुगेको हो ।

यस्तै पछिल्लो २४ घण्टामा २२६ जना संक्रमित निको भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार आज थप ४ संक्रमितले ज्यान गुमाएका छन् ।

यस्तै क्वारेन्टिनमा १७२ जना छन् भने संक्रिय संक्रमित संख्या ३ हजार ७९९ रहेको छ ।

कुल संक्रमितमध्ये २ लाख ६२ हजार ८६८ जना निको भइसकेका छन् भने मृतक संख्या १ हजार ९८९ पुगेको स्वास्थ्य मन्त्रालयले जनाएको छ ।