प्रचण्ड-नेपाल समूहको प्रदर्शन सुरू (फाेटाेफिचर)

काठमाडाैं । प्रतिनिधि सभा विघटनकाे विराेधमा नेकपाकाे नेपाल-दाहाल समूहले राजधानीमा बृहत् प्रदर्शन गरेकाे छ । आज (शुक्रबार) काठमाडाैंकाे शान्तिवाटिका लगायत अन्य ठाउँबाट सुरू भएकाे प्रदर्शन भृकुटीमण्डप अगाडीकाे प्रदर्शनी मार्गमा आएर विरोध सभामा परिणत हुनेछ । भृकुटीमण्डपमा विरोधसभाका लागि मञ्च समेत निर्माण गरिएको छ ।

प्रदर्शनमा प्रदेश, जिल्ला र मोर्चा संगठनबाट कार्यकर्ता तथा नेताहरु सगभागी छन् । काठमाडौंको माइतीघर, डिल्लीबजार, लैनचौर, त्रिपुरेश्वर, कुपन्डोल, प्रदर्शनीमार्ग, शान्तिवाटिका, त्रिचन्द्र र वाल्मीकी कलेजबाट सुरू भएका जुलुसहरुमा विभिन्न शीर्ष नेताहरुकाे समेत उपस्थिति रहेकाे छ ।

नेपाल-दाहाल समूहका अनुसार प्रतिनिधिसभा पुनर्स्थापना नभएसम्म संघर्षका कार्यक्रम जारी राखिने छ ।