खेत खन्दा भेटियाे १८५ राउण्ड गोली

विराटनगर । प्रहरीले मोरङको उर्लावारीबाट १८५ राउण्ड गोली बरामद गरेको छ । उर्लाबारी नगरपालिका वडा नं. १ लक्ष्मीझारमा रहेको दल बहादुर लिम्बुकाे घरमा रहेको कुखुराको खोर नजिकै खेतबाट १८५ राउण्ड गोली बरामद भएको हो ।

भक्त बहादुर सुवेदीले खेत खन्ने क्रममा कालो रंगको प्लाष्टिकभित्र पोका पारी माटोमुनि गाडेको अवस्थामा हातहतियारमा प्रयोग हुने ७ दशमलव ६२ एमएमको गोली १८५ राउण्ड फेला पारेको जिल्ला प्रहरी कार्यालय मोरङका डिएसपी मानबहादुर राईले जानकारी दिए।

उनका अनुसार यसबारे ईलाका प्रहरी कार्यालय उर्लाबारीबाट खटिएको प्रहरी टोलीले अनुसन्धान गरिरहेकाे छ ।