चारजना मृत फेला

काठमाडौं । चार जिल्लामा चार जना मृत अवस्थामा फेला परेका छन् ।

कैलालीकाे गौरीगंगा नगरपालिका-२ महुन्याल टोल जब्दास्थित गोठको आँगनमा सोही ठाउँ बस्ने ७० वर्षीय रङ्गे औजी बुधबार मृत अवस्थामा फेला परेका छन् ।

यस्तै भक्तपुरकाे चाँगुनारायण नगरपालिका-८ सुडालस्थित ठुली ब्रम्हायणी मन्दिरमा सोही पाटी बाहिर बस्दै आएका हाल वतन र उमेर नखुलेको शंकर दास बुधबार मृत अवस्थामा फेला परेका छन् ।

यसैगरी सर्लाहीकाे गोडैता नगरपालिका-१ बहादुरपुरस्थित लखनदेही खोलाको किनारमा हाल नाम, थर, वतन नखुलेका करिब ६० वर्षीय पुरुष बुधबार मृत अवस्थामा फेला परेका छन् ।

काभ्रेपलाञ्चोकमा पनि एकजना मृत फेला परेका छन् । चौरीदेउराली गाउँपालिका-७ मादनकुडारीस्थित खार्पा भिरको बाटोदेखि करिब ५० मिटर तल सोही गाउँपालिका-५ ढोकेडाँडा बस्ने ५९ वर्षीय नरहरी गौतम बुधबार मृत अवस्थामा फेला परेका छन् ।