काेराेना अपडेट : १९४ जना निकाे हुँदा १३० संक्रमित थपिए

काठमाडौं । पछिल्लो २४ घण्टामा देशभर १३० जना कोरोना संक्रमित थपिएका छन् । यस्तै आज (सोमबार) १९४ जना निकाे हुँदा थप ७ जनाकाे मृत्यु भएकाे स्वास्थ्य तथा जनसंख्या मन्त्रालयले जनाएकाे छ ।

मन्त्रालयका अनुसार आज क्वारेन्टिनमा ९२ जना रहेका छन् भने सक्रिय संक्रमित संख्या १ हजार ७४४ रहेकाे छ ।

काठमाडाैं उपत्यकामा मात्र आज ५७ संक्रमित थपिएका छन् । काठमाडाैंका ४५, भक्तपुरका २ र ललितपुरका ११ जनामा कोरोना संक्रमण पुष्टि भएकाे हाे । २४ घण्टामा ३ हजार ३ सय ३३ जनाको पिसिआर परीक्षण गरिएकाे छ ।

याेसँगै काेराेना संक्रमितकाे कुल संख्या २ लाख ७२ हजार ५५ पुगेकाे छ । संक्रमितमध्ये २ लाख ६८ हजार २६६ जना निकाे भइसकेका छन् भने मृतक संख्या २ हजार ४५ पुगेकाे छ ।