बुधबार थपिए १३४ कोरोना संक्रमित

काठमाडाैं । पछिल्लो २४ घण्टामा देशभर १३४ काेराेना संक्रमित थपिएका छन् । ३ हजार ५६७ जनाको पिसिआर परीक्षण गर्दा १३४ जनामा काेराेना संक्रमण पुष्टि भएकाे स्वास्थ्य तथा जनसंख्या मन्त्रालयले जनाएकाे छ ।

मन्त्रालयका अनुसार आज (बुधबार) ११८ जना काेराेना संक्रमित बिरामी निकाे भएका छन् । आज मृतक संख्या शून्य रहेकाे छ । क्वारेन्टिनमा आज ८८ जना छन् भने सक्रिय संक्रमित संख्या १ हजार ७५३ रहेकाे छ ।

आज काठमाडाैं उपत्यकामा मात्रै ६५ जना थपिएका छन् । काठमाडाैंमा ५५, भक्तपुरमा ६ र ललितपुरमा ४ जना थपिएका हुन् ।

याेसँगै देशभर काेराेना संक्रमितकाे कुल संख्या २ लाख ७२ हजार ३४९ पुगेकाे छ । संक्रमितमध्ये २ लाख ६८ हजार ५४९ जना निकाे भइसकेका छन् भने मृतक संख्या २ हजार ४७ पुगेकाे स्वास्थ्य मन्त्रालयले जनाएकाे छ ।