तीनजनामा काेराेना देखिएपछि न्युजिल्याण्डकाे अकल्याण्डमा लकडाउन

काठमाडाैं । तीनजनामा काेराेना भाइरस संक्रमण पुष्टि भएपछि न्युजिल्याण्डकाे सबैभन्दा ठुलाे शहर अकल्याण्डमा लकडाउन गरिएकाे छ । प्रधानमन्त्री जेसिन्डा अर्डेन्टले नयाँ संक्रमित भेटिएलगत्तै अकल्याण्डमा लकडाउनकाे घाेषणा गरेकी हुन् ।

स्थानीय सञ्चार माध्यमका अनुसार उक्त शहरमा तीन दिन लकडाउन हुनेछ ।

अघिल्लो वर्ष कोरोना महामारीको सुरुवातमा नै न्यूजिल्याण्डले आफ्ना सबै सीमा सिल गरी समुदायमा संक्रमण फैलन दिएकाे थिएन । प्रभावकारी कदम उठाएको भन्दै विश्वले तारिफ गरेकाे थियाे ।

न्युजिल्याण्डमा हालसम्म २३०० संक्रमित भेटिएका छन्, जसमध्ये २५ जनाको मृत्यु भएकाे छ ।