रुसको फेस्टिभलमा ‘जुनुको जुत्ता’ उत्कृष्ट लघु चलचित्र

काठमाडौँ । केदार श्रेष्ठ निर्देशित लघु चलचित्र  ‘जुनुको जुत्ता’ ले विदेशी अवार्ड प्राप्त गरेको छ । रुसको ‘फेस्ट प्रो फिल्म फेस्टिभल’ मा यो चलचित्रले वेस्ट सर्ट फिल्मको अवार्ड हात पारेको हो । फेस्टिभलमा ‘जुनुको जुत्ता’ उत्कृष्ट चलचित्र घोषित हुँदा रुसकै ‘द फाइनल स्ट्यान्ड’ ले वेस्ट फिचर फिल्म, चिलीको ‘द ब्वाय एण्ड द माउन्टेन’ ले वेस्ट एनिमेटेड फिल्म, जर्मनीको ‘टेल्स अफ लाइट’ ले वेस्ट चिल्ड्रेन्स फिल्मको अवार्ड हात पारेको छ ।

यस अगाडि विभिन्न अन्तर्राष्ट्रिय फिल्म फेस्टिभलमा समेत उत्कृष्ट अवार्ड हात परेको ‘जुनुको जुत्ता’ चप्पल उल्टो लगाउने एक सानी बालिकाको कथामा बनेको छ । ‘

विभु पौडेल र सुशान्त श्रेष्ठ निर्माता रहेको चलचित्र सरुन मानन्धरले खिचेका हुन् । चलचित्रमा हिस्सी लामा, याङ्जी लामा शेर्पा, पासाङ ल्हमू लामा, खड्क कुमारी शर्मा लगायतको अभिनय छ ।