पाब्लो नेरुदाको कविता

रातको टोपीमा
किन हुन्छन् यति धेरै प्वालहरु ?

के भन्छ पुरानो खरानीले
जब गुज्रिन्छ ऊ आगोको समीप भएर ?

बादल किन रुन्छ यति धेरै
जब हुन्छ ऊ अथाह खुशीमा ?

ग्रहणको छायाँमा पनि
कसको लागि जल्छ घामको किरण ?

जुन आँसु अहिले बगेको छैन
के त्यो एउटा सानो पोखरीमा पर्खेर बसेको हुन्छ ?

या के त्यो अदृश्य नदी हो
जुन उदासितातिर बगिरहेको हुन्छ ?

(यो कविता पाब्लो नेरुदाको ‘द बुक अफ क्वेस्चन्स’को हिन्दी अनुवादबाट रिमा केसीले अनुवाद गरेकी हुन् ।)