कोइराला, सिंह र निधिबीच महाधिवेशनकेन्द्रित छलफल

काठमाडौं । नेपाली कांग्रेसका नेतात्रय शशांक कोइराला, प्रकाशमान सिंह र विमलेन्द्र निधिबीच १४औं महाधिवेशनकेन्द्रित छलफल भएको छ । तीन नेताबीच सोमबार (आज) निधिनिवास बानेश्वरमा छलफल भएको निधीको सचिवालयले जनाएको छ । तीन नेताबीच के-के विषयमा छलफल भयो भन्नेबारे भने खुलाइएको छैन ।

कांग्रेसले आगामी भदौ १६ गतेदेखि १९ गतेसम्म काठमाडौंमा महाधिवेशन गर्दैछ । जसको लागि तीनै नेताहरुले आफूलाई सभापतिको आकांक्षी भनेर चिनाइरहेका छन् । बहालवाला सभापति शेरबहादुर देउवाले पनि पार्टीको पूर्ववत् साखका लागि आफू पुनः सभापति बन्ने बताइरहेका छन् । जसको तयारीस्वरुप देउवाले प्रदेशका नेताहरुसँग छलफल गरिरहेका छन् ।

१४औं महाधिवेशनमा कोइराला, सिंह र निधिसँगै वरिष्ठ नेता रामचन्द्र पौडेल, कृष्ण सिटौला, शशांक कोइरालालगायतका नेताहरुसमेत सभापतिको आंकाक्षी छन् ।

|तस्बिर सौजन्य : रामजी दाहाल|