चेरी कारको वितरकमा एसपीजी अटोमोबाइल्स

काठमाडौं । विश्व चर्चित अटोमोबाइल ब्राण्ड चेरी नेपाली बजारमा भित्रिदै छ । सो कम्पनीले नेपाली बजारको लागि अधिकारिक वितरकको रुपमा शारदा ग्रुप अन्तर्गतको एसपीजी अटोमोबाइल्स प्रालिलाई नियुक्त गरेको छ ।

उक्त गाडी नेपालमा चाँडै नै सञ्चालनमा आउने कम्पनीले जनाएको छ । चेरी ब्राण्डको आधिकारिक बिक्रेता (एसपिजी अटोमोबाइलस प्रालि) अटोमोवाइलस व्यवसाय क्षेत्रमा लामो समयदेखिको अनुभवी कम्पनी हो । यस दुई पक्षबीचको सहकार्यले स्थानीय बजारको साथै नेपाली अटोमोबाइल क्षेत्रको विकासमा टेवा पुग्नेमा कम्पनीले बिश्वास लिएको छ ।

नेपालमा दीर्घकालीन व्यापार रणनीतिको अनुशरण गर्दै चेरी ब्राण्ड इन्टरनेशनलले नयाँ उत्पादनको माध्यमबाट प्रतिस्पर्धात्मक वातावरण सिर्जना गर्न र बजारको मागलाई सम्बोधन गर्न मद्दत गर्ने जनाएको छ । हाल चेरी ब्राण्डको वार्षिक ९,००,००० कार, इन्जिन र ४,००,००० ट्रान्समिसन उत्पादन क्षमता रहेको छ। चेरी ब्राण्डले पेसेन्जर, कमर्शियल सवारीसाधन को अतिरिक्त मिनी भ्यान पनि उत्पादन गर्दछ ।

चेरी ब्रान्डका एसेम्बल र पार्टपूर्जा उत्पादन गर्ने प्लान्ट चीन लगायत विश्वका १५ देश फैलिएको छ । हाल विश्व बजारमा चेरी ब्राण्डका २० भन्दा बढी मोडलहरु बिक्रि भैइरहेको छन् भने कम्पनीले सुरक्षा,ऊर्जा बचत, र वातावरण (अनुकूलतालाई ध्यानमा राखि भविष्यमा दर्जन भन्दा बढी मोडलहरु सार्वजनिक गर्ने योजना बनाएको छ।

हालसम्म चेरी ब्राण्ड ले ८० भन्दा बढी देश र क्षेत्रहरूमा निर्यात गरेको छ। यसले १.८ मिलियन भन्दा बढी संचित निर्यात मात्रा सहित १,५०० भन्दा बढी बिक्री तथा सेवा आउटलेटहरू स्थापना गरेको कम्पनीले जनाएको छ ।

यो एक पंक्तिमा १८ वर्षसम्म चीनमा पेसेन्जर गाडीको सबैभन्दा ठूलो निर्यातकर्ता रहेको छ। सन् २०१२ मा चेरी र जगुआर ल्यान्ड रोभर मोटर्सले संयुक्त रूपमा चेरी जगुआर ल्यान्ड रोभर मोटर्स कम्पनी लिमिटेडको स्थापनामा लगानी गरेको थियो यो चीनको पहिलो सिनो-ब्रिटिश संयुक्त उद्यम अटोमोबाइल कम्पनी रहेको जनाएको छ ।