थप ३७२९ जनामा संक्रमण‚ १८८५ कोरोनामुक्त

काठमाडौँ । नेपालमा शुक्रबार थप ३ हजार ७ सय २९ जनामा कोरोना संक्रमण पुष्टि भएको छ ।

देशभर गरिएको ९ हजार ४ सय ९३ पीसीआर परीक्षणका क्रममा २ हजार ४ सय ३० र ६ हजार १ सय ८२ एन्टीजेन परीक्षणका क्रममा १ हजार २ सय ९९ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

योसँगै नेपालमा कोरोना संक्रमितको संख्या ७ लाख ७७ हजार ५८९ पुगेको छ । त्यस्तै कोरोनाका कारण थप २५ जनाको मृत्यु भएको छ । योसँगै नेपालमा १० हजार १९ जनाको कोरोनाका कारण मृत्यु भएको छ ।

त्यस्तै थप १८८५ संक्रमित कोरोनामुक्त हुँदा हालसम्म नेपालमा ६ लाख ६५ हजार ५४८ जना निको भएका छन् । हाल नेपालमा ३४ हजार ९४२ सक्रिय संक्रमित आइसोलेसनमा र ३५६ जना क्वारेन्टाइनमा छन् ।