लेखक आचार्यको ‘ब्लू डायरी’ आउँदै

काठमाडौँ । पत्रकार तथा लेखक कृष्ण आचार्यको दोस्रो उपन्यास ‘ब्लू डायरी’ आउने भएको छ ।

पहिलो उपन्यास ‘अप्रिल फूल’पछि आचार्यले लेखेको उपन्यास ‘ब्लू डायरी’ भदौ अन्तिम सातासम्ममा बजारमा ल्याउने तयारी रहेको प्रकाशक बिएन पुस्तक संसारले जनाएको छ ।

उपन्यास प्रेम र सामाजिक परिवेशमा केन्द्रित रहेको लेखक आचार्यले बताए ।

२०७५ सालमा ‘अप्रिल फूल’ सार्वजनिक गरेका आचार्यले ३ वर्षपछि ल्याएको अर्को उपन्यासबाट पाठक निराश नहुनेमा आशावादी रहेको लेखक आचार्य बताउँछन् ।

फरक सन्दर्भ, परिवेश र घटनाक्रममा आधारित रहेकाले ‘ब्लू डायरी’ले समाज र परिवेश बुझाउन सहयोग पुग्ने लेखकको दाबी छ ।

हाल इन्जिनियर्स पोस्टको सम्पादक रहेका आचार्य यसअघि नयाँ पत्रिका, कान्तिपुर साप्ताहिकलगायतका संचारमाध्यममा कार्यरत थिए ।