फ्राइडे रिलिज : नाजिर र मुकुनको ‘लभ सर्कल’

काठमाडौँ । चलचित्र ‘लभ सर्कल’ डिजिटल माध्यमबाट सार्वजनिक भएको छ । गत वर्ष वेब सिरिजको रूपमा निर्माण गरिएकोमा यस वर्ष निर्देशक वसन्त निरौलाले चलचित्रको रूप दिएर प्रदर्शनका लागि तयार पारेका हुन् ।

लामो समय पछि दर्शकले शुक्रबार नयाँ चलचित्र हेर्न पाएका हुन् । चलचित्र डिस होमको च्यानल नम्बर ५५५ मा प्रदर्शनमा प्रदर्शन भइरहेको छ ।

चलचित्रमा मुकुन भुसाल, पवित्रा आचार्य, नाजिर हुसेन, रिस्ता बस्नेतले रवीन्द्र झा, सुमन कोइराला (दले दाइ) को मुख्य भूमिका रहेको छ ।

मी टिभीको प्रस्तुतिमा ओम प्रकाश अग्रवाल र रोशन पौडेलको संयुक्त निर्माण गरेको चलचित्रमा अङ्कित बाबु अधिकारीको सङ्गीत, अभिमन्यु निरवीको लेखन, दिव्य सुवेदीको छायाङ्कन, पवित्रा आचार्यको कोरियोग्राफी र साहिल खान/मिलन श्रेष्ठको सम्पादन छ ।