सकियो ‘लाइफ ईन एलए’को छायाङ्कन

काठमाडौँ । चलचित्र ‘लाइफ ईन एलए’को छायाङ्कन पोखरामा अन्तिम दृश्य छायाङ्कन गर्दै सकिएको छ । प्रवासमा बस्ने नेपालीको कथामा निर्माण गरिएको चलचित्र दशैँ छेको प्रदर्शन गर्ने तयारी टिमको रहेको छ । एक महिना छायाङ्कन गरिएको चलचित्र सूर्य एन श्रेष्ठले निर्देशन गरेका हुन् ।

चलचित्रमा शिल्पा मास्के, गौरव पहरी, अकेशा बिस्ट, व्यास बिस्सु, जेरेड विलप्स, बुद्धि तामाङ, विष्णु गौतम लगायतको अभिनय छ ।

वास इन्टरटेन्मेन्टको प्रस्तुति रहेको चलचित्रमा व्यास बिस्सु र राजेन्द्र ठकुरी निर्माता र कार्यकारी निर्मातामा संसार सुवेदी छन् । चलचित्रमा एलिस कार्कीको सङ्गीत, बाबु श्रेष्ठ/कृश वारेनको छायाङ्कन, कविराज गहतराजको कोरियोग्राफी रहेको छ ।