थप ३०४२ जनामा कोरोना‚ २२४४ संक्रमणमुक्त

काठमाडौँ । नेपालमा शुक्रबार थप ३ हजार ४२ जनामा कोरोना संक्रमण पुष्टि भएको छ ।

देशभर गरिएको १० हजार ५३० पीसीआर परीक्षणका क्रममा २ हजार ७९ र ७ हजार १ सय २४ एन्टीजेन परीक्षणका क्रममा ९६३ जनामा कोरोना पुष्टि भएको छ ।

योसँगै नेपालमा कोरोना संक्रमितको संख्या ८ लाख २३ हजार ६४७ पुगेको छ । त्यस्तै कोरोनाका कारण थप २६ जनाको मृत्यु भएको छ ।

हालसम्म नेपालमा १० हजार ४५५ जनाले कोरोनाका कारण ज्यान गुमाएको स्वास्थ्य मन्त्रालयले जनाएको छ । त्यस्तै थप २ हजार २ सय ४४ संक्रमितलाई निको हुँदा हालसम्म नेपालमा ६ लाख ९३ हजार ५४३ जना कोरोनामुक्त भएका छन् ।

हाल नेपालमा ४० हजार ३०९ सक्रिय संक्रमित आइशोलेशल र ४४६ जना क्वारेन्टाइनमा छन् । त्यस्तै हालसम्म ३८ लाख १३ हजार ५४५ वटा पीसीआर र ४ लाख २४ हजार ११० वटा एन्टीजेन परीक्षण गरिएको मन्त्रालयले जनाएको छ ।