वाईसीएलको २३१ सदस्यीय केन्द्रीय समिति घाेषणा, पदाधिकारी पछि छानिने

काठमाडौँ । नेकपा माओवादी केन्द्रको युवा संगठन वाईसीएल नेपालको नयाँ  केन्द्रीय समिति घाेषणा भएको छ । मंगलबार सम्पन्न राष्ट्रिय भेलाले दुई सय ३१ सदस्यीय केन्द्रीय समिति चयन गरेको वाईसीएल नेपालले जनाएकाे छ । समितिमा २३ जना भने पछि मनोनित हुनेछन् ।

वाईसीएलका ईन्चार्ज रामप्रसाद सापकोटा ‘दीपशिखा’का अनुसार विधानअनुसार १० प्रतिशत पछि मनोनित हुने गरी दुई सय ३१ सदस्यीय केन्द्रीय समिति निर्माण गरिएको हो । यहि केन्द्रीय समितिको बैठकले पदाधिकारी चयन गर्ने पनि उनले जानकारी दिए ।