वाईसीएलको २३१ सदस्यीय केन्द्रीय समिति घाेषणा, पदाधिकारी पछि छानिने
काठमाडौँ । नेकपा माओवादी केन्द्रको युवा संगठन वाईसीएल नेपालको नयाँ केन्द्रीय समिति घाेषणा भएको छ । मंगलबार सम्पन्न राष्ट्रिय भेलाले दुई सय ३१ सदस्यीय केन्द्रीय समिति चयन गरेको वाईसीएल नेपालले जनाएकाे छ । समितिमा २३ जना भने पछि मनोनित हुनेछन् ।
वाईसीएलका ईन्चार्ज रामप्रसाद सापकोटा ‘दीपशिखा’का अनुसार विधानअनुसार १० प्रतिशत पछि मनोनित हुने गरी दुई सय ३१ सदस्यीय केन्द्रीय समिति निर्माण गरिएको हो । यहि केन्द्रीय समितिको बैठकले पदाधिकारी चयन गर्ने पनि उनले जानकारी दिए ।
विवादका कारण पदाधिकारी चयन गर्न नसकेपछि केन्द्रीय सदस्यमात्र चयन गरिएको हो ।
गत शनिबार सुरु भएको वाईसीएलको राष्ट्रिय भेलामा अध्यक्ष पदका लागि सुबोध सेर्पाली र सुमन देवकोटाले दाबी गरेका थिए । सहमति जुटाउन पार्टी अध्यक्ष प्रचण्डसहितका नेताहरु र वाईसीएलकै पदाधिकारी लागेपनि सम्भव नभएपछि भेला एक दिन लम्बिएको थियो ।