ईक्वेडरको एक जेलमा भएको झडपमा २४ जनाको मृत्यु, ४२ घाइते

क्वीटो । ईक्वेडरको एक कारागारमा भएको झडपमा परेर कम्तीमा पनि २४ जना कैदीको ज्यान गएको बताइएको छ । यहाँको कारागारमा राखिएका कैदीहरूबीच भएको झडपमा उनीहरू मारिएका हुन् । त्यस क्रममा अरु ४२ जना घाइते भएका छन् ।

घाइतेमध्ये धेरैको अवस्था गम्भीर रहेको प्रहरीले जनाएको छ । मंगलबार यहाँको समुद्र तटीय नगर गाकुइलमा रहेको जेलमा सो झडप भएको थियो ।

ईक्वेडरको राष्ट्रिय प्रहरीले ती कैदीहरूबीच के कति कारणले झडप भएको हो भन्ने बारेमा थप अनुसन्धान जारी रहेको जनाएको छ ।