उत्तर कोरियाद्वारा फेरि अर्को मिसाइल परीक्षण

काठमाडौँ ।

उत्तर कोरियाले फेरि अर्को मिसाइल परीक्षण गरेको छ ।  यो सँगै  उत्तर कोरियाले एक महिनामा चार पटक मिसाइल परीक्षण गरिसकेको छ ।बीबीसीका अनुसार उत्तर कोरियाले एन्टी–एयरक्राफ्ट नामक नयाँ मिसाइल परीक्षण गरेको हो ।

केही अघि मात्र उत्तर कोरियाले हाइपरसोनिक मिसाइल परीक्षण गरेको खबर सार्वजनिक भएको थियो। यसैबिच अमेरिकी विदेश मन्त्री एन्टोनी ब्लिङ्कनले मिसाइल परीक्षणले अस्थिरता र असुरक्षा बढाएको बताएका छन् । उ​त्तर कोरियाले आत्मरक्षाका लागि हतियार आवश्यक भएको बताउँदै आएको छ ।