बालबालिकालाई दशैँलगत्तै कोरोनाविरुद्धको खोप : सरकार

काठमाडौँ । स्वास्थ्य तथा जनसंख्या राज्यमन्त्री उमेश श्रेष्ठले १८ वर्षमुनिका नागरिकलाई दशैँलगत्तै कोरोनाविरुद्धको खोप लगाउन सुरु गरिने बताएका छन् ।

कान्ति बाल अस्पताललाई स्वास्थ्य सामग्री हस्तान्तरण गर्न आयोजित कार्यक्रममा राज्यमन्त्री श्रेष्ठले १८ वर्षमुनिका नागरिकका लागि ४० लाख मोडेर्ना र ६० लाख फाइजर गरी १ करोड  डोज कोरोनाविरुद्धको खोप आउने निश्चित भइसकेकाले त्यहि खोप लगाइने बताएका हुन् ।

फागुनसम्ममा क्रमशः खोप आउने र त्यो खोप बालबालिकालाई उपलब्ध गराइने उनले बताए ।  दशैँलगत्तै १ लाख फाइजर खोप आउने र त्यसपछि फागुनसम्ममा पटक पटक गरेर फाइजर र मोडेर्ना खोप आउने उनको भनाइ छ ।

सरकारले कोरोनाविरुद्धको खोपलाई पहिलो प्राथमिकता दिएको दाबी पनि राज्यमन्त्री श्रेष्ठले  गरे ।