थप १०३० जनामा कोरोना‚ एक हजार संक्रमणमुक्त

काठमाडौँ । नेपालमा सोमबार थप १ हजार ३० जनामा कोरोना संक्रमण पुष्टि भएको छ ।

देशभर गरिएको ५ हजार ८ सय ९३ पीसीआर परीक्षणका क्रममा ८ सय १२ जना र ४ हजार ९ सय ८१ एन्टीजेन परीक्षणका क्रममा २ सय १८ जनामा कोरोना पुष्टि भएको मन्त्रालयले जनाएको छ ।

योसँगै नेपालमा कोरोना संक्रमितको संख्या ८ लाख ९० हजार २ सय ५६ पुगेको छ । त्यस्तै कोरोनाका कारण थप १० जनाको मृत्यु भएको छ ।

हालसम्म नेपालमा ११ हजार १ सय ७४ संक्रमितको कोरानोका कारण मृत्यु भएको छ । त्यस्तै थप एक हजार संक्रमित कोरोनामुक्त हुँदा हालसम्म नेपालमा ७ लाख ७० हजार २२४ जना संक्रमण मुक्त भएका छन् ।

हाल नेपालमा १६ हजार ६ सय ६ सक्रिय संक्रमित आइसोलेसन र २ सय ४१ जना क्वारेन्टाइनमा रहेको मन्त्रालयले जनाएको छ ।