प्रदेश नं १ मा कोरोना सङ्क्रमण घट्दो क्रममा
मकालु खबर २०७८ असोज २८ गते
विराटनगर । प्रदेश नं १ मा कोरोना सङ्क्रमण घट्दो क्रममा रहेको छ । प्रदेशमा पछिल्लो २४ घण्टामा २८ जनामा कोरोना सङ्क्रमण भएको छ । एक सय १९ जनाको पीसीआर परीक्षण गर्दा २२ र ६८ जनाको एन्टिजेन परीक्षण गर्दा छ जनाको रिपोर्ट पोजेटिभ आएको सामाजिक विकास मन्त्रालयले जनाएको छ ।
मन्त्रालयका अनुसार पीसीआर परीक्षणका आधारमा सुनसरीमा १५, मोरङमा चार, झापामा दुई र उदयपुरमा एक जनामा सङ्क्रमण देखिएको हो । सुनसरीको इटहरीमा ११, धरानमा तीन र रामधुनीमा एक, मोरङको विराटनगर र सुन्दरहरैचामा दुई/दुई झापाको भद्रपुर र मेचीनगरमा एक/एक र उदयपुरको उदयपुरगढीमा एक जनामा सङ्क्रमण देखिएको मन्त्रालयले जनाएको छ ।
प्रदेशमा आजै ५७ महिलासहित ११९ जना कोरोना सङ्क्रमणमुक्त भएका छन् । सो अवधिमा एक महिलाको मृत्यु भएको मन्त्रालयले जनाएको छ ।
मकालु खबर २०७८ असोज २८ गते
प्रतिक्रिया
सम्बन्धित
