टी-ट्वेन्टी विश्वकप: ओमान र स्कटल्यान्डको विजयी सुरुवात

काठमाडौँ । आइसीसी टी-ट्वेन्टी विश्वकप अन्तर्गत पहिलो चरणमा ओमान र स्कटल्यान्डले विजयी सुरुवात गरेका छन् । आइतबार सम्पन्न खेलमा ओमानले पपुवा न्यूगिनीलाई १० विकेटले पराजित गरेको छ ।

पपुवा न्युगिनीले दिएको १३० रनको लक्ष्य पछाएको ओमानले १३.४ ओभरमा कुनै विकेट नगुमाएर लक्ष्य पुरा गरेको थियो । त्यस्तै दोस्रो खेलमा स्कटल्यान्डले बङ्गलादेशलाई ६ रनले पराजित गरेको छ ।

स्कटल्यान्डले दिएको १४१ रनको लक्ष्य पछाएको बङ्गलादेशले २० ओभरमा ७ विकेट गुमाउँदै १३४ रन मात्र बनाएपछि खेल ६ रनले गुमाएको हो । पहिलो चरणको समूह बि मा रहेका ओमान र स्कटल्यान्डले २-२ अंक हासिल गरेका छन् ।

आज समूह ए अन्तर्गत आयरल्यान्ड र नेदरल्याण्डबीच तथा श्रीलङ्का र नामिबियाबीच खेल हुने छ ।