क्रिस्टल प्यालेससँग म्यानचेस्टर सिटी स्तब्ध

काठमाडौँ । इङलिश प्रिमियर लिगमा क्रिस्टल प्यालेसले म्यानचेस्टर सिटीलाई स्तब्ध पारेको छ । शनिबार घरेलु मैदानमा सम्पन्न खेलमा म्यानचेस्टर सिटी क्रिस्टल प्यालेससँग २-० ले पराजित भएकाे हाे ।

क्रिस्टल प्यालेसको जितमा विलफ्राइड जाहा र कोनोर गल्लाघेरले एक/एक गोल गरेका थिए । यस खेलमा पहिलो हाफको अन्त्यमा एमेरिक लापोर्टले रातो कार्ड पाउँदा म्यानचेस्टर सिटी १० खेलाडीमा सीमित भएको थियो ।

यो जितपछि क्रिस्टल प्यालेसको १० खेलमा १२ अङ्क भएको छ र अङ्क तालिकामा १३औ स्थानमा उक्लिएको छ । त्यस्तै म्यानचेस्टर सिटीले यस सिजनको लिगमा दोस्रो हार बेहोरेको छ । सिटीको १० खेलमा २० अङ्क रहेको छ र लिगमा तेस्रो स्थानमा रहेको छ ।