तेह्रथुममा कांग्रेसको संस्थापन इतर पक्षका तुम्बाहाङफे सभापति निर्वाचित

तेह्रथुम । नेपाली कांग्रेस तेह्रथुमको सभापतिमा अर्जुनबहादुर तुम्बाहाङफे विजयी भएका छन् । उनले कमल ढुंगानालाई पराजित गरेका हुन् । तुम्बाहाङफेले ४५० र ढुंगानाले २३६ मत पाएको निर्वाचन समितिले जनाएको छ ।

तुम्बाहाङफे जिल्लामा पूर्वसांसद तुलसी सुब्बा पक्षका उम्मेदवार हुन् । उनी केन्द्रमा संस्थापन इतर समूहमा छन् ।

यसैगरि जिल्ला कार्यसमितको उपाध्यक्षमा मचिन्द्र सुब्बा र शिवप्रसाद भट्टराई तथा सचिवमा विपिन निङ्लेखु र डिल्लीराम नेपाल निर्वाचित भएका छन् ।

महाधिवेशन प्रतिनिधिमा अर्जुन माबुहाङ, उद्धव तिम्सिना,  केशव भेटवाल, गणेश बिमली, तुलसी सुब्बा, गोबिन्द ढुंगाना, विजय सम्बाहाङफे, भिष्म थपलिया, सन्तोष सुब्बा, हरि डाँगीलगायत चयन भएका छन् ।