सुदुरपश्चिमद्वारा गण्डकी ४ विकेटले पराजित
मकालु खबर
काठमाडौँ । यु-१९ राष्ट्रिय एकदिवसीय क्रिकेट प्रतियोगितामा सुदुरपश्चिम प्रदेशले गण्डकी प्रदेशलाई ४ विकेटले पराजित गरेको छ । सुदुरपश्चिमको यो लगातार दोस्रो जित हो ।
प्रतियोगिताको १५ औं र आफ्नो चौथो खेलमा सुदुरपश्चिमले टस जितेर गण्डकीलाई ब्याटिङको निम्तो दिएको थियो । जहाँ गण्डकीले २१० रनको लक्ष्य दिएको थियो । उक्त लक्ष्य सुदुरपश्चिमले ४ बल बाँकी हुँदै ६ विकेट गुमाएर पूरा गर्यो ।
सुदुरपश्चिमले संयमित इनिङ खेल्यो । उसका लागि अर्जुन साउदले सर्वाधिक ६८ रन बनाए। त्यस्तै राहुल भण्डारी ४२ रनमा अविजित रहँदै टीमको जित निश्चित गरे । कप्तान खडक बोहोराले ४० रन बनाएका थिए।
कीर्तिपुरमा पहिले ब्याटिङ गरेको गण्डकीका दिपक डुम्रेले सर्वाधिक ५६ रन बनाए । त्यस्तै उत्सव श्रेष्ठले ४० रन जोड्दा सुवास भण्डारीले २८ रनको योगदान दिए । त्यस्तै कमल परियारले २०, सुजन गौतमले १७ र अर्जुन कुमालले १३ रन जोडे । त्यस्तै कप्तान विष्णु पान्डेले ११ रन बनाउँदा गण्डकीले २३ रन अतिरिक्त पाएको थियो ।
सुदुरपश्चिमका कैलाश एरीले ३ तथा आकाश चन्द र गजेन्द्र बोहराले २-२ विकेट लिए । थप १ विकेट नारायन जोशीको नाममा रह्यो ।
मकालु खबर
