नेचर सुपर मार्केटको तेस्रो शाखा भक्तपुरको बालकोष अधिकारी टोलमा

काठमाडौं । नेचर सुपर मार्केट प्राविको तेस्रो शाखा सुर्यबिनायक नगरपालिका बडा नं। ३ बालकोष, अधिकारी टोलमा खुलेको छ ।

एक कार्यक्रमबिच सु.न.पा बडा नं. ३ का अध्यक्ष शिवबरण खत्री एवं वरिष्ठ हास्य कलाकार, चर्चित नायिका एवं सफल निर्देशक दिपाश्री निरौलाले शाखा शुभारम्भ गरेका हुन् ।

गत वर्ष कात्तिकदेखि काठमाडौँको मैतीदेवी चोकबाट सञ्चालनमा आएको नेचर सुपर मार्केटले सेवा विस्तार गर्ने क्रममा जडीबुटीको नरेफाँटपछि यो शाखा सञ्चालनमा ल्याएको हो ।
व्यावसायिक क्षेत्रमा ३ दशक लामो अनुभव संगालेका व्यवसायीहरूको नेतृत्वमा नेचर सुपर मार्केट सञ्चालनमा आएको हो ।

‘उपभोक्ताको सन्तुष्टि, हाम्रो दायित्व’ नाराका साथ सञ्चालनमा आएको सुपर मार्केटले बजारको माग र आम उपभोक्ताको आवश्यकता अनुसार गुणस्तरीय खाद्यान्न तथा ग्रोसरी सामानहरू ग्राहकमाझ उपलब्ध गराउने प्रालिका अध्यक्ष जनक धामीले जानकारी दिए ।

‘बालकमोट आसपासका उपभोक्तालाई सहज रूपमा खाद्यान्न तथा ग्रोसरी सामान उपलब्ध गराउन शाखाले सहयोग पुर्याउनेछ,’ उनले भने । प्रा।लि।ले काठमाडौं उपत्यकाको जुनसुकै ठाउँमा निःशुल्क होम डेलिभरी सेवा उपलब्ध गराइरहेको छ ।

शाखा शुभारम्भको अवसरमा प्रालिले खाद्यान्न तथा ग्रोसरी सामानहरूमा ३ देखि १५ प्रतिशतसम्म छुट प्रदान गर्ने सञ्चालक समिति सदस्य तारामान धामीले जानकारी दिए । छुट अवधि १ महिनासम्म जारी रहनेछ ।