चलचित्र ‘फाइट अफ फ्युरी २’को पोस्टर सार्वजनिक

काठमाडौँ । कलाकार तथा मार्सल आर्टका खेलाडी सन्नी बी केसीको चलचित्र ‘फाइट अफ फ्युरी  २’ को फस्ट लुक पोस्टर सार्वजनिक भएको छ । सन्नीकै कथा र निर्देशन रहेको चलचित्रको मुख्य भूमिकामा उनी स्वयं रहेका छन् ।

चलचित्रमा हलिउड कलाकार बब वाल, लियो फोङ, जो माइकल, एम एम ए फाइटर लगायतको अभिनय छ । अङ्ग्रेजी भाषामा बनेको यो चलचित्र नेपालीमा डब गरेर नेपालमा समेत प्रदर्शन गरिने सन्नीको तयारी छ । यो चलचित्र अमेरिकाका सिनेमा हल सँगै ओटीटी प्लेटफर्म नेटफ्लिक्स र अमेजन प्राइममा रिलिज गरिनेछ ।