एनआईबीएल एस क्यापिटलकाे सचेतनामूलक कार्यक्रम

काठमाडौं । नेपाल इन्भेष्टमेन्ट बैंक लिमिटेडको पूर्ण स्वामित्वमा रहेको एनआईबीएल एस क्यापिटल लिमिटेडको आयोजनामा  अन्तरक्रिया तथा लगानी सचेतनामूलक कार्यक्रम सचांलन भएको छ ।

उक्त कार्यक्रममा एनआईबीएल एस क्यापिटल लिमिटेडका सहायक महाप्रबन्धक सचिन्द्र ढुङ्गाना तथा कम्पनीका अन्य पदाधिकारीहरूले स्थानीय लगानीकर्ताहरूका विभिन्न जिज्ञासाहरूको सम्बोधन गर्नुका साथै समस्त धितो पत्र बजारको विभिन्न आयामहरूको बारेमा छलफल भएको छ ।

कम्पनीले संस्थागत सामाजिक उत्तरदायित्व अन्तर्गत आज प्रदेश स्तरमा लगानीकर्ता सचेतना अभिवृद्धि कार्यक्रम गर्ने सिलसिलामा प्रदेश नं २ वीरगञ्जमा एक अन्तरक्रिया कार्यक्रम आयोजना गरेको छ ।

उक्त कार्यक्रममा लगानीकर्ताहरूको उत्साहजनक सहभागिता हुनुका साथै विभिन्न सल्लाह सुझाव समेत प्रदान गरेका छन् । यस अघि यस्तै अन्तरक्रिया कार्यक्रम सुदूरपश्चिम प्रदेशको धनगढीमा र लुम्बिनी प्रदेशको नेपालगन्जमा पनि सम्पन्न भएको थियो ।