कर्णालीमा मतदान सकियो, चार बजेदेखि गणना हुने

सुर्खेत । कर्णालीमा राष्ट्रियसभा सदस्य निर्वाचनका लागि भएको मतदान सकिएको छ । बुधबार बिहान ९ बजदेखि शुरू भएको मतदान दिउँसो साढे ३ बजे सकिएको हो ।

निर्वाचन अधिकृत दुर्गा चालिसेका अनुसार कुल एकसय ९१ मतदाता मध्ये एक सय ८९ जनाले मतदान गरेका छन् । जसमा प्रदेश सभा सदस्यहरू ३५ मत मध्ये ३४ जनाले मतदान गरेका छन भने पालिका सदस्यहरू एक सय ५६ मत मध्ये एकसय ५५ जनाले मतदान गरेका छन् ।

यस्तै , निर्वाचन समितिका अनुसार मतगणना अहिले ४ बजेबाट शुरू गरेर साँझ ७ बजेसम्म सकिने तयारी गरिएको छ ।