भालुको पित्त र यार्सागुम्बासहित एक जना पक्राउ

धनगढी । भालुको पित्त र यार्सागुम्बासहित कञ्चनपुरबाट एक जना पक्राउ परेका छन् । सुदूरपश्चिम प्रदेश प्रहरी कार्यालय धनगढी र जिल्ला प्रहरी कार्यालय कैलालीको टोलीले जिल्लाको कृष्णपुर नगरपालिका– ४ स्थित वनदेवी मन्दिर छेउबाट भालुको पित्त र यार्सागुम्बासहित जुम्ला कनिकासुन्दरी गाउँपालिका– ३ का ५७ वर्षीय बिर्ख धामीलाई पक्राउ गरेको हो ।

प्रहरीले उनको साथबाट अन्दाजी १५० ग्राम भालुको पित्त र २५ ग्राम यार्सागुम्बा बरामद गरेको छ । त्यसबारे थप अनुसन्धान गर्दै प्रहरीले कैलालीको गोदावरी नगरपालिका – २ मा रहेको धामीको डेराबाट थप ५०० ग्राम यार्सागुम्बा बरामद गरेको छ ।

प्रहरीले पक्राउ परेका धामीलाई थप अनुसन्धानको लागि जिल्ला प्रहरी कार्यालय कञ्चनपुर पठाएको जनाएको छ ।