विश्वकप छनोट : नेपाललाई दोस्रो सफलता

काठमाडौँ । टी ट्वेन्टी विश्वकप क्रिकेट अन्तर्गत समुहको आफ्नो अन्तिम खेलमा नेपाल क्यानडासँग खेलिरहेको छ । टस हारेर पहिले बलिङ गरिरहेको नेपालले राम्रो शुरुवात गरेको छ ।

नेपालले पाँचौँ ओभरको खेल चल्दै गर्दा नेपालले २ विकेट लिएको छ । दोस्रो विकेट पनि कमलसिंह ऐरीले नै लिए । नेपालले पहिलो ओभरमै विकेट लिएको थियो । पाँचौ बलमा कमलले नेपाललाई पहिलो विकेट दिलाएका थिए । ओमानमा क्यानडाले टस जितेर ब्याटिङ रोजेपछि नेपालले फिल्डिङ गरिरहेको हो ।

२ खेलबाट ४ अंक बनाएको नेपाललाई आजको खेल महत्वपूर्ण छ । यो खेल जिते नेपाल प्रतियोगिताको सेमिफाइनलमा प्रवेश गर्नेछ । नेपाल पराजित भए अरु खेलको नतिजाका आधारमा सेमिफाइनल पुग्ने २ टिमको टुंङ्गो लाग्ने छ ।