विश्वकप छनोट : तेस्रो स्थानका लागि नेपाल र ओमान खेल्दै

काठमाडौँ। आईसीसी पुरुष टी–ट्वेन्टी विश्वकप छनोटअन्तर्गत तेस्रो स्थानका लागि नेपालले आज ओमानसँग खेल्दैछ । खेल ओमानको अल अमेरातमा नेपाली समय अनुसार दिउँसो पौने ४ बजे शुरू हुनेछ ।

सेमिफाइनलमा विजयी हुँदै विश्वकपमा छनोट हुन नसकेका नेपाल र ओमान तेस्रो स्थानका लागि खेल्न लागेका हुन् । नेपाललाई युएईले र ओमानलाई क्यानडाले हराउँदै विश्वकपका लागि छनोट भएका छन् ।

नेपाल र ओमान यही प्रतियोगिताको समूह चरणमा खेलेका थिए । जसमा नेपाल ३९ रनले विजयी भएको थियो । पछिल्ला तीन भेटमा नेपाल २ र ओमान १ खेलमा विजयी भएका छन् ।

विश्वकपमा छनोट हुन नसकेर निराश भएका नेपाल र ओमान दुवै टिम आजको खेल जित्दै तेस्रो बन्ने धुनमा हुनेछन् ।