हत्याको आरोपमा १ जना पक्राउ
झापा । झापामा हत्याको आरोपमा एकजनालाई प्हरीले पक्राउ गरेको छ । मेचीनगर नगरपालिका(५ पिपलडाँडा चौकको बाझो खेतमा फाल्गुन २५ गते मृत फेला परेकी स्थानीय ६८ वर्षीया अम्बिका कुँवरको हत्याको आरोपमा एक जनालाई प्रहरीले पक्राउ गरेको छ ।
फाल्गुन २५ गते बेलुकी ४ बजे घाँस काट्न गएकी कुवँर साँझ सम्म घर नफर्किए पछि खोजी गर्ने क्रममा मृत फेला परेकी थिइन् ।
मृतकका श्रीमान जगत कुवरले खोजतलास गर्दै जाँदा घरदेखि करिब २ मिटर टाढा रहेको बाँझो खेतमा राती मृत अवस्थामा फेला पारेको प्रहरीले जनाएको छ ।
घटनाको सन्दर्भमा जिल्ला प्रहरी कार्यालय झापा, इलाका प्रहरी कार्यालय काँकरभिट्टा र संघीय प्रहरी ईकाई कार्यालय धरान डग शाखाको तालिम प्राप्त कुकुरसहितको प्रहरी टोलीले घटनाको सन्दर्भमा अनुसन्धानको क्रममा मेचीनगर-५ का २७ वर्षीय रण बहादुर बस्नेतलाई नियन्त्रणमा लिएको जनाएको हो ।
हत्यामा संलग्न रहेको आरोपमा बस्नेतलाई पक्राउ गरेको प्रदेश प्रहरी कार्यालय विराटनगरले जनाएकोछ । बस्नेतको झापा जिल्ला अदालतबाट ७ दिनको म्याद थप गरी थप अनुसन्धान भइरहेको जिल्ला प्रहरी कार्यालय झापाले जनाएको छ ।
शवलाई पोष्टमार्टमको लागी स्वास्थ्य विधिविज्ञान प्रगोगशाला धरान सुनसरी पठाइएको प्रहरीले जनाएको छ।
