हुम्लाको सिमकोट तल्लो गाउँमा आगलागी

सुर्खेत । हुम्लाको सदरमुकाम सिमकोटस्थित तल्लो गाउँमा आगलागी भएको छ ।

शनिबार दिउँसो चार बजेतिर आगलागी भएको हो । जिल्ला प्रहरी कार्यालय हुम्लाका अनुसार आगलागीबाट एउटा गोठ जलेर नष्ट भएको छ । हुम्लाका डिएसपी हेरम्भ शर्माले सिमकोट–५ तल्लो गाउँमा आगलागी भएको र हाल आगो नियन्तणमा आइसकेको जानकारी दिए ।

शर्माका अनुसान आगलागिबाट बसन्त रोकायाको खर र दाउरा तथा पदम रावतको र चक्र रावतको दाउरासमेत जलेर नष्ट भएको छ भने स्थानीय, प्रहरी र सशस्त्र प्रहरीको सहयोगमा आगलागि नियन्त्रणा लिएको बताए । आगो कसरी लाग्यो भन्ने बारे अनुसन्धान भइरहेको प्रहरीले जनाएको छ।